وقال رئيس المحكمة المستشار معتز خفاجى حكمت المحكمة فى الجناية رقم 113 لسة 2013 جنايات أمن دولة عليا بعد مطالعة الأوراق والرأى الشرعى لدار الإفتاء المصرية، وبعد الاطلاع على مواد العقوبات وقانون الإجراءات الجنائية، حكمت المحكمة بمعاقبة محمود مغاورى، وعادل حبارة، وأشرف محمود أبو طالب، وأبو عبد الله المقدسى، وناصر عياد، ومحمد على، وعبد الهادى زايد، وعمرو زكريا شطا، بالإعدام شنقا، فضلا عن معاقبة كل من، محمد إبراهيم سعيد محمد أحمد، وأحمد مصبح سليمان أبو حراز، وشقيقه على، بالسجن المؤبد. 

كما قضت بمعاقبة صبرى محمد إبراهيم محجوب، وبلال محمد إبراهيم نصر، وأحمد سعيد عطية، وأحمد مأمون محمد سليمان، ومحمود سعيد عطية، وسامح لطفى السيد، ومحمد أحمد على باشا، وعبد الحميد محمد الشبراوى طنطاوى، وإبراهيم محمد يوسف، ومحمد صلاح محمد خليل، ومصطفى عبد المنعم حبيب، والسيد سعيد حامد مصطفى، وأحمد محمد عبد الله، وشهرته أحمد المصرى، ومحمد عكاشة محمد على، ومحمد نجيب يوسف يعقوب، ومحمد إبراهيم عساكر، ومصطفى غريب إبراهيم، ويوسف محمد سليم السواركة، وفرج جمال محمد حسن، ومصطفى حسين محمد سليم، ومحمد عبد السميع خليل الشوربجى، وإسماعيل إبراهيم عبد القادر، 15 عاما ومصادرة القنابل والمطواة والهواتف النقال المضبوطة حوزة المتهمين  وبراءة كل من: محمد صبرى ورضا أحمد محمد عطية، وشهرته رضا العوا، ومحمد عبد الرحمن عبد المعطى وشهرته محمد عبوده، مما أسند إليهم

وعقب النطق بالحكم، سادت حالة من  الهدوء داخل القاعة و قال المحامي على إسماعيل -دفاع حبارة -أنه ينتظر أسباب الحكم للطعن عليه خلال 60 يوما،  وان المحكمة لم تستمع لطلبات الدفاع، وأن الحكم معيب،  وأن محكمة النقض هى التى ستفصل فى حكم الإعادة الثانى وهو ما أكده قانونيون بأنه يحق قانوناً للإرهابى عادل حبارة الطعن بالنقض على الحكم الأخير الصادر ضده بالإعدام فى القضية المعروفة إعلاميا باسم "مذبحة رفح الثانية " و أنه بالرغم من صدور 3 قرارات ضد حبارة بالإعدام والإحالة لفضيلة المفتى، إلا أنه مازال يملك الحق فى الطعن بالنقض على بعضها، مما يعنى أن هذه الطعون تؤجل لقاء وصول  حبارة  الى حبل المشنقة. ويواجه حبارة 3 أحكام بالإعدام والإحالة للمفتى تتمثل فيما يلى 

1- الحكم الصادر من محكمة جنايات الجيزة، برئاسة المستشار معتز خفاجى يوم السبت 14-11-2015م ، بالإعدام شنقا لحبارة وآخرين فى القضية المعروفة إعلاميا بأحداث "مذبحة رفح الثانية"، حيث يواجه حبارة والباقون تهم الشروع فى قتل جنود الأمن المركزى ببلبيس، والتخابر مع تنظيم القاعدة بالعراق، حيث كانت محكمة النقض قد قضت بقبول الطعون المقدمة من حبارة وآخرين فى قضية مذبحة جنود الأمن المركزى برفح فى أغسطس 2013، المعروفة إعلاميا بـ"مذبحة رفح الثانية". 

2-  إحالة محكمة جنايات الزقازيق أوراقه  إلى المفتى لاستطلاع الرأى الشرعى، وحددت جلسة 6 ديسمبر المقبل للحكم بإعدامه على خلفية اتهامه بقتل مخبر تابع لوحدة بمباحث أبو كبير أمام محكمة جنايات الزقازيق، حيث كانت النيابة العامة أحالت الإرهابى عادل محمد إبراهيم، والشهير بـ"عادل حبارة" فى القضية رقم 9657 مركز شرطة أبو كبير لسنة 2012، إلى المحكمة بتهمة قتل مخبر الشرطة ربيع عبد الله على بوحدة مباحث أبو كبير عمدًا مع سبق الإصرار والترصد

3-  قرار دائرة إرهاب الشرقية، المنعقدة بمحكمة بلبيس، بإحالته  مع 8 تكفيريين بتهمة التحريض على العنف لفضيلة المفتى.

وقال والد الشهيد، معوض حسن النساج ابن مركز أشمون أن الحق جاء لنا اليوم وتحقق الأمل في القضاء على من تسبب في مقتل أبنائنا، وندعوا الله أن يلهمنا الصبر على فقدنا لابننا الغالى، مؤكدا أن حق نجلة عاد اليوم باقرار حكم الإعدام على حبارة، و أنه كان في انتظار هذا الحكم.

 يذكر أن الكاتب الصحفي عبدالرحيم على، رئيس مجلس إدارة وتحرير "البوابة نيوز"،   عرض  خلال برنامجه "الصندوق الأسود"، المذاع على شاشة قناة "العاصمة" الفضائية،  مكالمة مسربة بين الإرهابي عادل حبارة وعمرو الدمياطي، والتي تكشف عن أول محاولة لتواجد تنظيم "داعش" الإرهابي في سيناء.

وجاء نصها كالتالى 

حبارة: السلام عليكم.!

الدمياطي: وعليكم السلام ورحمة الله وبركاته.. مولانا.

حبارة: أيوه ياحبيبي أيوه.

الدمياطي: فينك يامولانا.. أنا كل ما أكلمك تعمل معايا كده والخط يقطع.. كلمتك على الشبكة بردوا مبتردش عليا؟!

حبارة: مش أنا اللي بعمل الشبكة هي اللي بتعمل اعملك ايه ؟!، أخبارك إيه ياحبيبي؟ وياعم أنا هفرتكلك كل الشبكات اللي هنا مخصوص علشان خاطرك إنت اخبارك إيه

الدمياطي: شغال بالـtnt وشغال بالتفخيخ وكلوا

حبارة: الله المستعان ربك ييسر الخير والمهم طمني عليك طمني عليك

الدمياطي: أنا تمام ياعم الشيخ.. نفسي اتكلم معاك ياعم الشيخ مش عارفين نتكلم معاك

حبارة: ربنا يحفظك ياعمروة أقسم بالله واحشني

الدمياطي: انت أكتر ياعم الشيخ ربنا يباركلك يارب.. أبو صهيب كان بيكلمني النهاردة بيقولي ممكن يجيلنا يقعد أسبوعين هنا يتدرب في الوضع ومش عارف.. بس أنا عايز اتكلم معاه كلمتين الأول؟!

حبارة: اتفضل قول؟!

الدمياطي: دلوقتي الشيخ ابوبكر البغدادي كانت قاعد معاه وكنت قاعد مع الشيخ عمر الشيشاني

حبارة: تمام

الدمياطي: وهما عايزين يفتحوا شغل ويدعموا الشباب اللي عندكم

حبارة: طب ياعم ياريت اقسم بالله ياريت.

الدمياطي: طب اسمع مني اسمع ياعم الشيخ.. فهو إداني 10 آلاف دولار وقالي اتواصل مع الشباب وشوف هما عايزين إيه؟!واديهم الـ10 آلاف دولار ويشتغلوا ويوروني مجهودهم ويعملوا فيديو ويتابعوا ويبايعوا ابوبكر والدولة الإسلامية، وهنبعت لهم اللي هما عايزينه وابعتلهم الفلوس واللي هما عايزينه

حبارة: طيب ياعم الله المستعان الله المستعان انت ايه رايك انت ؟! إيه رايك في آخر إلا إنت بتسمع الأخبار إنت

الدمياطي: مش سامع الأخبار أنا مش متابع التليفزيون.

حبارة: طيب ماشي الله المستعان مش هينفع علشان انت عايز نت عشان اعرف اكلم معاك صح، طيب اسمع انت اسمع طيب انت الناس محتاجين دعم بكل ما اوتيت من قوة تعرف عملوا ايه في البلد عندنا في الشرقية راحوا على أخ ..فالأخ ضرب عليهم نار قتل اتنين سامعني بقولك راحوا على الأخ وقتلوه واخده اخوه وضربوه بالنار وصفوا الأخ خدوا اتنين كانوا بايتين معاه وضربوا زوجته.

الدمياطي: اذبحوهم اذبحوهم يا أبوعائشة.. اذبحوهم ياشيخ دبحوهم واحرقوهم حرق وشغل العبوات والألغام

حبارة: إنت عارف بفضل الله عز وجل.. اللهم لك الحمد والشكر لك يارب أنا هقولك على خبر رهيب رهيب رهيب بس لما اقعد معاك على النت.. أخوك بفضل الله عز وجل هو اللي عمله.

الدمياطي: تمام تمام عم الشيخ إنت بتبايع ابوبكر ولا مبتبايعش أبوبكر؟!

حبارة: انا ببايع أبوبكر ومستعد كل الأخوة اللي معايا بفضل الله عز وجل

الدمياطي: بتبايع دولة الإسلام!

حبارة: أيوه أيوه أيوه أيوه دولتنا الدولة التي بناها أبو مصعب الزرقاوي

الدمياطي: اسمع ياعم الحج، أنا الأسبوع ده هبعت ليك عشرة آلاف دولار يجولك لغاية عندك

حبارة: طيب ماشي ماشي الله المستعان.. اسمع قبل ما تبعت قولي علشان عايز أديك اسم الاخ تبعتهم عليه.

الدمياطي: لا بص اسمع اسمع مني أنا هتصل عليك هما موجودين عندك في سيناء، هما موجودين عندك هيوصلوا عندك، هيقلولي وصلي هدهملهم فاهم المقصود إيه.